013 July 2024
Abdul basith
രാവിലെ ഉറക്കമെഴുന്നേൽക്കുക അല്പം ബുദ്ധിമുട്ടാണ്. പ്രത്യേകിച്ചും രാത്രി വൈകി ഉറങ്ങുന്ന പതിവുള്ളവർക്ക്. എന്നാൽ, രാവിലെ നേരത്തെ എഴുന്നേറ്റാൽ പല ഗുണങ്ങളുമുണ്ട്.
രാവിലെ നേരത്തെ എഴുന്നേൽക്കൽ ശീലമാക്കിയാൽ ഈ ബുദ്ധിമുട്ട് ഒരു പരിധി വരെ ഒഴിവാക്കാനാവും. രാവിലെ നേരത്തെ എഴുന്നേറ്റാലുള്ള ഗുണങ്ങൾ പരിശോധിക്കാം.
നേരത്ത് എഴുന്നേറ്റാൽ പ്രൊഡക്റ്റിവിറ്റി വർധിക്കും. പുറമേ നിന്നുള്ള ബഹളങ്ങളോ മറ്റ് ശല്യങ്ങളോ ഉണ്ടാവില്ലെന്നതിനാൽ ഈ സമയത്ത് എന്ത് ചെയ്യാനും ഉന്മേഷം അധികമായിരിക്കും.
രാവിലെ എഴുന്നേൽക്കുന്നത് മാനസികമായ സന്തോഷത്തിന് കാരണമാവും. ഇതും നേരത്തെ പറഞ്ഞ ബഹളങ്ങൾ അധികമില്ലാത്ത അന്തരീക്ഷവുമായി ബന്ധപ്പെട്ടിരിക്കുന്നു.
രാവിലെ നേരത്തെ എഴുന്നേൽക്കുന്നത് പതിവായാൽ ടൈം മാനേജ്മെൻ്റ് കൂടുതൽ കാര്യക്ഷമമായി കാര്യങ്ങൾക്ക് അടുക്കും ചിട്ടയുമുണ്ടാവും.
രാവിലെ എഴുന്നേൽക്കുന്നവർക്ക് ആരോഗ്യം വർധിക്കുമെന്നാണ് പഠനം. നേരത്തെ എഴുന്നേൽക്കുന്നതിനാൽ ഇവർ വ്യായാമത്തിനും മറ്റും സമയം കണ്ടെത്തും.
രാവിലെ നേരത്തെ എഴുന്നേൽക്കുന്നവർക്ക് സ്വയം പരിചരണത്തിനും കൂടുതൽ സമയം ലഭിക്കും. ഇത് മാനസിക സന്തോഷത്തിലേക്ക് നയിക്കും.