23 November 2024
ഐപിഎൽ ലേലത്തിൽ 12 മലയാളി താരങ്ങളാണ് അൺകാപ്ഡ് വിഭാഗത്തിൽ പങ്കെടുക്കുന്നത്. 30 ലക്ഷം രൂപയാണ് മലയാളി താരങ്ങളുടെ അടിസ്ഥാന വില. 574 താരങ്ങളാണ് ബിസിസിഐയുടെ ഫെെനൽ ലിസ്റ്റിൽ ഉൾപ്പെട്ടിരിക്കുന്നത്. 206 പേരെ വിവിധ ഫ്രാഞ്ചെെസികൾ ലേലത്തിലൂടെ സ്വന്തമാക്കും.
Pic Credit: Instagram
കേരള ക്രിക്കറ്റ് ടീം ക്യാപ്റ്റൻ സച്ചിൻ ബേബി, വിഷ്ണു വിനോദ്, മുഹമ്മദ് അസ്ഹറുദ്ദീൻ, രോഹൻ എസ്. കുന്നുമ്മൽ, ഷോൺ റോജർ, സൽമാൻ നിസാർ, അബ്ദുൽ ബാസിത്, എം. അജ്നാസ്, അഭിഷേക് നായർ, എസ്. മിഥുൻ, വൈശാഖ് ചന്ദ്രൻ, വിഘ്നേഷ് പുത്തൂർ എന്നിവരാണ് ലേലത്തിൽ പങ്കെടുക്കുന്നവർ.
35 വയസ്സുകാരനായ സച്ചിൻ ബേബി കേരള ക്രിക്കറ്റ് ലീഗിൽ മികച്ച പ്രകടനമാണ് കാഴ്ചവച്ചത്. 528 റൺസുമായി ടൂർണമെന്റിന്റെ ഉദ്ഘാടന സീസണിൽ തിളങ്ങി. മുമ്പ് ആർസിബിക്കായി കളിച്ചിട്ടുള്ള താരത്തിന് ഇത്തവണയും അവസരം ലഭിക്കുമെന്നാണ് പ്രതീക്ഷ.
2024 സീസണിൽ മുംബെെ ഇന്ത്യൻസിന്റെ താരമായിരുന്നു വിഷ്ണു വിനോദ്. കെസിഎല്ലിൽ തൃശൂർ ടെെറ്റൻസിനായി മികച്ച പ്രകടനം കാഴ്ചവച്ച താരത്തെ സ്വന്തമാക്കാൻ കൂടുതൽ ടീമുകൾ രംഗത്തുവരാൻ സാധ്യതയുണ്ട്.
മുഹമ്മദ് അസ്ഹറുദ്ദീൻ റോയൽ ചലഞ്ചേഴ്സ് ബെംഗളൂരുവിനായും, അബ്ദുൽ ബാസിത്ത് രാജസ്ഥാൻ റോയൽസിനായും മുമ്പ് ഐപിഎൽ കളിച്ചിട്ടുള്ളവരാണ്.
മുമ്പ് ഐപിഎൽ കളിച്ചിട്ടുള്ള താരങ്ങൾ