ആത്മവിശ്വാസം കുറവാണോ? ഇക്കാര്യങ്ങൾ പരീക്ഷിക്കൂ

സ്വന്തം രൂപം, കഴിവ്, ജീവിതസാഹചര്യങ്ങൾ എന്നിങ്ങനെയുള്ള കാര്യങ്ങളിൽ സ്വയം അംഗീകരിക്കണം. ഞാൻ തരക്കേടില്ലെന്ന ചിന്തയാണ് വേണ്ടത്.

സ്വയം മനസിലാക്കൽ വളരെ നിർണായകമാണ്. എന്താണ് തൻ്റെ കരുത്ത്, എവിടെയാണ് താൻ കുറച്ചുകൂടി മെച്ചപ്പെടുത്തേണ്ടതെന്നറിഞ്ഞിരിക്കണം.

സാമൂഹ്യചുറ്റുപാടുകളിൽ സംഭാഷണങ്ങളിലേർപ്പെടും മുൻപ് സ്വയം ശാന്തനാവുക. എങ്കിൽ സംഭാഷണങ്ങളിൽ അബദ്ധങ്ങൾക്കുള്ള സാധ്യത കുറയും.

സമൂഹമാധ്യമങ്ങൾ വളരെ നല്ല ഒരു മാർഗമാണ്. ആശയങ്ങൾ പങ്കുവെക്കാനും മറ്റുള്ളവരുമായി സംസാരിച്ച് ബന്ധങ്ങൾ രൂപപ്പെടുത്താനും ഇത് സഹായിക്കും.

എത്രത്തോളം ആത്മവിശ്വാസമാണ് സ്വയം ആർജിച്ചതെന്ന വിലയിരുത്തലുകളും ഓർമപ്പെടുത്തലുകളും ഉണ്ടാവണം. സ്വയം വളർച്ചയ്ക്ക് ഇത് അത്യാവശ്യമാണ്.