സ്വാഭാവികമായ മുടിവളർച്ചയെ സഹായിക്കുന്ന ഭക്ഷണങ്ങൾ

സൂപ്പർ ഫുഡാണ് മുട്ട. മുട്ടയിൽ ധാരാളമുള്ള പ്രോട്ടീനും ബയോട്ടിനും മുടിവളർച്ചയ്ക്കും മുടിയുടെ കരുത്തിനും സഹായകമാവുന്ന ഘടകങ്ങളാണ്.

വലിയ മീനുകളും മുടിവളർച്ചയെ സഹായിക്കും. ഇവയിലുള്ള ഒമേഗ 3 ഫാറ്റി ആസിഡ് തലയോട്ടിയുടെ ആരോഗ്യം മെച്ചപ്പെടുത്തി മുടിവളർച്ചയെ സഹായിക്കും.

അയൺ, വൈറ്റമിൻ എ, സി എന്നീ പോഷകങ്ങൾ ചീരയിൽ ധാരാളമുണ്ട്. ഇവയൊക്കെ മുടിവളർച്ചയെ നന്നായി സഹായിക്കുന്ന പോഷകങ്ങളാണ്.  

വാൾനട്ടും ഫ്ലാക്സ് സീഡും ഒമേഗ 3 ഫാറ്റി ആസിഡും വൈറ്റമിൻ ഇയും കൊണ്ട് സമ്പന്നമാണ്. ഇവ രണ്ടും മുടിവളർച്ചയെ നല്ലരീതിയിൽ സഹായിക്കും.

സ്ട്രോബറി, മൾബറി തുടങ്ങിയ ബെറികളിൽ മുടിവളർച്ചയെ പരിപോഷിപ്പിക്കുന്ന വൈറ്റമിൻ സിയും ആൻ്റിഓക്സിഡൻ്റുകളും ധാരാളമായി അടങ്ങിയിരിക്കുന്നു.

പ്രോട്ടീനും പ്രോബയോട്ടിക്സും ഗ്രീക്ക് യോഗർട്ടിൽ ധാരാളമായി ഉണ്ട്. ഇവ ഫോളിക്കിളുകളുടെ ആരോഗ്യം മെച്ചപ്പെടുത്തി മുടിവളർച്ചയെ പരിപോഷിപ്പിക്കും.