രണ്ടേ രണ്ട് ദിവസം; എമ്പുരാൻ 100 കോടി ക്ലബിൽ

നായകൻ മോഹൻലാൽ അടക്കം എമ്പുരാൻ സിനിമയുടെ അണിയറപ്രവർത്തകരാണ് നേട്ടത്തിൻ്റെ കാര്യം സമൂഹമാധ്യമങ്ങളിലൂടെ പങ്കുവച്ചത്.

ആഗോളതലത്തിൽ ആദ്യ ദിനം എമ്പുരാൻ നേടിയത് 65 കോടി രൂപയാണ്. ഇത് മലയാള സിനിമാ ചരിത്രത്തിലെ റെക്കോർഡ് ഓപ്പണിങ് ഡേ കളക്ഷനാണ്.

ആഗോള കളക്ഷനിലെന്ന പോലെ കേരള ബോക്സോഫീസിലും സിനിമ നേട്ടമുണ്ടാക്കുകയാണ്. ആദ്യ ദിനം കേരളത്തിൽ നിന്ന് 10 കോടി രൂപ സിനിമ നേടി.

തീയറ്റർ നിറഞ്ഞോടുന്നതിനിടെ സിനിമയ്ക്കെതിരെ വിമർശനങ്ങളും ഉയരുന്നുണ്ട്. എമ്പുരാനിൽ പറയുന്ന രാഷ്ട്രീയത്തിനെതിരെയാണ് വിമർശനം.