TV9 Malayalam
ക്രിസ്മസാണ്, കേക്കാണ് വിപണിയിലെ താരം. സ്വന്തമായി കേക്ക് ഉണ്ടാകാൻ ഇഷ്ടപ്പെടുന്നവരാണോ നിങ്ങൾ ? എങ്കില്‍ ഈന്തപ്പഴം ഗോതമ്പ് കേക്ക് റെസിപ്പി പരിചയപ്പെടാം.
Pic Credit: Getty Images/ Socialmedia/PTI
ഗോതമ്പുപൊടി – 1 കപ്പ്, ഈന്തപ്പഴം കുരു കളഞ്ഞത് – 15 എണ്ണം, ബേക്കിംഗ് സോഡ – 1 ടീസ്പൂണ്‍, പാല്‍ – 1 കപ്പ്, സണ്‍ഫ്ലവർ ഓയില്‍ – അര കപ്പ്, ട്യൂട്ടി ഫ്രൂട്ടി – 3 ടേബിള്‍ സ്പൂണ്‍ (ആവശ്യമെങ്കില്‍), വാനില എസ്സന്‍സ് – 1 ടീസ്പൂണ്‍, പഞ്ചസാര – മുക്കാല്‍ കപ്പ്, ഉപ്പ് – കാല്‍ ടീസ്പൂണ്‍ എന്നിവയാണ് ചേരുവകൾ
കേക്ക് തയ്യാറാക്കാനായി ആദ്യം ഈന്തപ്പഴം ചൂടുപാലില്‍ കുറച്ചു മണിക്കൂര്‍ കുതിര്‍ക്കാന്‍ വയ്ക്കുക. ഗോതമ്പുമാവ്, ബേക്കിംഗ് സോഡാ, ഉപ്പ് എന്നിവ നന്നായി അരിച്ചെടുക്കുക.
മിക്‌സിയില്‍ കുതിര്‍ത്ത ഈന്തപ്പഴവും പഞ്ചസാരയും നന്നായി അരച്ച് എടുക്കുക. ഒരു പാത്രത്തില്‍ ഈന്തപ്പഴം അരച്ചതും, എണ്ണ, വാനില എസ്സന്‍സ് തുടങ്ങിയവ നന്നായി ബീറ്റ് ചെയ്ത് യോജിപ്പിച്ചു വെയ്ക്കുക. ഇതിലേക്ക് ഗോതമ്പ് പൊടി നന്നായി ഇളക്കി ചേർക്കുക.
നേരത്തെ 180 ഡിഗ്രി പ്രീ-ഹീറ്റ് ചെയ്ത ഓവനില്‍ 180 ഡിഗ്രി 35 മിനിറ്റിൽ ബേക്ക് ചെയ്ത് എടുക്കുക. അല്ലെങ്കില്‍ ഒരു ടൂത്ത്പിക് വച്ച് കുത്തി നോക്കി ബേക്ക് ആയെന്ന് ഉറപ്പുവന്നാൽ പുറത്തെടുക്കാം.