സൺ ടാൻ  മാറ്റാനുള്ള പൊടിക്കൈകൾ

സൂര്യപ്രകാശം ഏൽക്കുന്നത് നല്ലതാണെങ്കിലും സൂര്യാതാപം ഏറ്റാൽ അത് നന്നല്ല. സൺ ടാൻ മാറ്റാൻ ചില പൊടിക്കൈകളുണ്ട്. ഇവയിൽ ചിലത് പരിശോധിക്കാം.

നാരങ്ങാനീര് തേനുമായി കലർത്തി ടാൻ ആയ ഇടങ്ങളിൽ പുരട്ടണം. 20 മിനിട്ടിന് ശേഷം ഇത് കഴുകിക്കളയാം. ടാൻ നീക്കാൻ ഇത് സഹായിക്കും.

ഉറങ്ങുന്നതിന് തൊട്ടുമുൻപ് കറ്റാർ വാഴ നീര് പുരട്ടുക. പിറ്റേന്ന് പുലർച്ചെയാവുമ്പോൾ ഇത് കഴുകിക്കളയാം. ടാൻ നീക്കാനുള്ള നല്ല ഒരു മാർഗമാണിത്.

വെള്ളരിക്ക ഗ്രേറ്റ് ചെയ്ത് അതിൻ്റെ നീര് ടാൻഡ് ആയ ഇടങ്ങളിൽ പുരട്ടുക. വെള്ളരിക്കയുടെ കൂളിങ് പ്രോപ്പർട്ടികൾ സൺ ടാൻ നീക്കം ചെയ്യാൻ സഹായിക്കും.

ടാൻ ആയ ഇടങ്ങളിൽ ഫ്രഷ് തക്കാളി നീര് പുരട്ടണം. തക്കാളിയിലെ ലൈകോപീൻ എന്ന പദാർത്ഥം ടാൻ നീക്കം ചെയ്യാൻ ഏറെ സഹായകമാണ്.

കടലമാവിൽ അല്പം ചെറുനാരങ്ങ നീരും പാലും ചേർത്ത് കുഴച്ച് പേസ് രൂപത്തിലാക്കി പുരട്ടുക. ഉണങ്ങുമ്പോൾ ഇത് സ്ക്രബ് ചെയ്യാവുന്നതാണ്.