12 November 2024
ABDUL BASITH
ടി20 ക്രിക്കറ്റിൽ മികച്ച ഫോമിലാണ് മലയാളി താരം സഞ്ജു സാംസൺ. രണ്ട് തുടർ സെഞ്ചുറികളടിച്ച് റെക്കോർഡ് ബുക്കിലും സഞ്ജു ഇടം പിടിച്ചു.
(Image Credits - PTI)
ടി20 ക്രിക്കറ്റിൽ അരങ്ങേറി ഏറെക്കാലത്തിന് ശേഷമാണ് സഞ്ജുവിന് റോൾ ക്ലാരിറ്റിയും കൃത്യമായ പിന്തുണയും ടീം മാനേജ്മെൻ്റിൽ നിന്ന് ലഭിക്കുന്നത്.
പരിശീലകൻ ഗൗതം ഗംഭീറും ക്യാപ്റ്റൻ സൂര്യകുമാർ യാദവും തന്നെ നന്നായി പിന്തുണച്ചു എന്ന് സഞ്ജു തന്നെ അറിയിച്ചിരുന്നു. ഇത് ചർച്ചയായി.
ഇക്കാര്യത്തിൽ ഇപ്പോൾ ഗംഭീർ നിലപാടറിയിച്ചിരിക്കുകയാണ്. സഞ്ജുവിൻ്റെ പ്രകടനങ്ങളിൽ തനിക്ക് പങ്കില്ലെന്നാണ് ഗംഭീർ വ്യക്തമാക്കിയത്.
ഓസ്ട്രേലിയക്കെതിരായ ബോർഡർ ഗവാസ്കർ ട്രോഫി ടെസ്റ്റ് പരമ്പരയ്ക്ക് മുന്നോടിയായി നടത്തിയ വാർത്താസമ്മേളനത്തിലാണ് ഗംഭീറിൻ്റെ പ്രതികരണം.
ഇതൊക്കെ സഞ്ജുവിൻ്റെ കഴിവാണ്. കൃത്യമായ പിന്തുണ നൽകിയെന്നേയുള്ളൂ. ഇതൊക്കെ അവൻ്റെ തന്നെ കഠിനാധ്വാനമാണ്. ഇത് തുടക്കമാണ്.
ആദ്യ മത്സരത്തിൽ സെഞ്ചുറി നേടി തുടരെ രണ്ട് ടി20 സെഞ്ചുറിയുമായി റെക്കോർഡിട്ട സഞ്ജു രണ്ടാം മത്സരത്തിൽ പൂജ്യത്തിന് പുറത്തായിരുന്നു.
Next : താരലേലം കളറാക്കാൻ ഗുജറാത്ത്