29 June 2024
SHIJI MK
നമ്മുടെ കാഴ്ചശക്തി മെച്ചപ്പെടുത്തുന്നതില്‍ നമ്മള്‍ കഴിക്കുന്ന ഭക്ഷണത്തിന് നല്ല പങ്കുണ്ട്. അതുകൊണ്ട് തന്നെ കാഴ്ചശക്തി വര്‍ധിപ്പിക്കാന്‍ സഹായികുന്ന ഭക്ഷണങ്ങള്‍ ഡയറ്റില്‍ ഉള്‍പ്പെടുത്തണം. ഏതെല്ലാം പച്ചക്കറികളാണ് കാഴ്ചശക്തി വര്‍ധിപ്പിക്കാന്‍ സഹായിക്കുന്നതെന്ന് പരിശോധിക്കാം.
ക്യാരറ്റില്‍ ബീറ്റാ കരോട്ടിന്‍ അടങ്ങിയിട്ടുള്ളതിനാല്‍ ഇത് കാഴ്ച ശക്തി വര്‍ധിപ്പിക്കുന്നതിന് സഹായിക്കുന്നുണ്ട്. വിറ്റാമിന്‍ എ അടങ്ങിയിട്ടുള്ളതിനാല്‍ തിമിരം, മാക്യുലര്‍ ഡീജനറേഷന്‍ തുടങ്ങിയ നേത്ര സംബന്ധമായ വിവിധ തകരാറുകള്‍ തടയാനും ക്യാരറ്റിന് സാധിക്കും.
ചീരയില്‍ ധാരാളം ആന്റിഓക്‌സിഡന്റുകള്‍ അടങ്ങിയിട്ടുള്ളതിനാല്‍ തിമിരം പോലുള്ള അസുഖങ്ങളെ തടയുന്നതിന് സഹായിക്കും. മാത്രമല്ല ഈ ആന്റിഓക്‌സിഡന്റുകള്‍ അപകടകരമായ വെളിച്ചത്തില്‍ നിന്ന് കണ്ണിന് സംരക്ഷണം നല്‍കുന്നുണ്ട്.
വിറ്റാമിന്‍ എ,സി,കെ എന്നിവയുടെ കലവറയാണ് കാലെ. മാത്രമല്ല ഉയര്‍ന്ന അളവില്‍ ല്യൂട്ടിനും സിയാക്‌സാന്തിന്‍ ഇതില്‍ അടങ്ങിയിട്ടുണ്ട്. ഇവ റെറ്റിനയുടെ ആരോഗ്യത്തെ സംരക്ഷിക്കും. മാക്യുലര്‍ ഡീജനറേഷന്‍ എന്നിവയുടെ അപകടസാധ്യത കുറയ്ക്കും.
ഉയര്‍ന്ന അളവില്‍ വിറ്റാമിന്‍ എ, സി എന്നിവ ചുവന്ന കുരുമുളകില്‍ അടങ്ങിയിരിക്കുന്നു. കണ്ണിലെ രക്തക്കുഴലുകളുടെ ആരോഗ്യം നിലനിര്‍ത്താന്‍ വിറ്റാമിന്‍ സി സഹായിക്കുന്നു. തിമിര സാധ്യത കുറയ്ക്കും. വിറ്റാമിന്‍ എ കണ്ണിന്റെ മൊത്തത്തിലുള്ള ആരോഗ്യത്തെ സംരക്ഷിക്കും.
ഉയര്‍ന്ന അളവില്‍ ബീറ്റാ കരോട്ടിന്‍ മധുരക്കിഴങ്ങില്‍ ഉണ്ട്. മധുരക്കിഴങ്ങ് ഓക്‌സിഡേറ്റീവ് സമ്മര്‍ദ്ദത്തില്‍ നിന്ന് കണ്ണുകളെ സംരക്ഷിക്കുന്നതിനും രാത്രി കാഴ്ച മെച്ചപ്പെടുത്തുന്നതിനും സഹായിക്കുന്നു.
വിറ്റാമിന്‍ സി, ബീറ്റാ കരോട്ടിന്‍, ല്യൂട്ടിന്‍, സിയാക്‌സാന്തിന്‍ എന്നിവയാല്‍ സമ്പുഷ്ടമാണ് ബ്രൊക്കോളി. ഈ പോഷകങ്ങള്‍ ഓക്‌സിഡേറ്റീവ് സമ്മര്‍ദ്ദത്തില്‍ നിന്ന് കണ്ണുകളെ സംരക്ഷിക്കുന്നതിനും പ്രായവുമായി ബന്ധപ്പെട്ട നേത്രരോഗങ്ങളുടെ അപകടസാധ്യത കുറയ്ക്കുന്നതിനും സഹായിക്കുന്നു.
ബീറ്റാ കരോട്ടിന്‍, വിറ്റാമിന്‍ സി, ഇ എന്നിവ മത്തനിലുണ്ട്. ഉയര്‍ന്ന ആന്റിഓക്സിഡന്റ് ഉള്ളടക്കം കാരണം നല്ല കാഴ്ചശക്തി നിലനിര്‍ത്താനും പ്രായവുമായി ബന്ധപ്പെട്ട നേത്രരോഗങ്ങള്‍ തടയാനും മത്തന്‍ സഹായിക്കുന്നു.
ല്യൂട്ടിന്‍, വൈറ്റമിന്‍ സി, സിങ്ക് എന്നിവ കടലയില്‍ അടങ്ങിയിട്ടുണ്ട്. റെറ്റിനയുടെ ആരോഗ്യത്തെ പീസ് സംരക്ഷിക്കുകയും തിമിരവും പ്രായവുമായി ബന്ധപ്പെട്ട മാക്യുലര്‍ ഡീജനറേഷനും ഉണ്ടാകാനുള്ള സാധ്യത കുറയ്ക്കാന്‍ സഹായിക്കുകയും ചെയ്യുന്നു.