07 November 2024
SHIJI MK
Instagram Images
മലയാളികള്‍ക്ക് സുപരിചിതയാണ് സോഷ്യല്‍ മീഡിയ ഇന്‍ഫ്‌ളുവന്‍സറായ ദിയ കൃഷ്ണ. ഇന്‍ഫ്‌ളുവന്‍സര്‍ എന്നതുപരി ഒരു ബിസിനസും ദിയക്ക് സ്വന്തമായുണ്ട്.
ഓണ്‍ലൈനായി ഫാന്‍സി ആഭരണങ്ങള്‍ വില്‍പന നടത്തുന്നതാണ് ദിയ കൃഷ്ണ ചെയ്യുന്നത്. നിരവധി ഉപഭോക്താക്കളും ദിയക്ക് സ്വന്തമായുണ്ട്.
വീട്ടുകാരുടെ സഹായമില്ലാതെ സ്വന്തമായാണ് ദിയ തന്റെ ബിസിനസ് ആരംഭിച്ചത്. വളരെ നല്ല രീതിയില്‍ ദിയ അത് മുന്നോട്ട് കൊണ്ടുപോകുന്നതും.
എന്നാല്‍ ദിയ ഏറ്റവും അവസാനം പങ്കുവെച്ച വീഡിയോയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്.
തനിക്കെതിരെ വിദ്വേഷ പ്രചാരണം നടത്തിയ യൂട്യൂബര്‍ക്കെതിരെയാണ് ദിയ രംഗത്തെത്തിയിരിക്കുന്നത്. ദിയയുടെ പക്കല്‍ നിന്ന് വാങ്ങിയ ഉത്പന്നത്തിന്റെ ക്വാളിറ്റിയെ കുറിച്ചുള്ളതാണ് വീഡിയോ.
എന്നാല്‍ ഇവര്‍ കേടുപാടുകളെ കുറിച്ച് പറഞ്ഞെങ്കിലും പാഴ്‌സല്‍ ഓപ്പണിങ് വീഡിയോ നല്‍കാതിരുന്നതിനാല്‍ പരാതിയില്‍ പരിഹാരം കാണാന്‍ ദിയക്ക് സാധിച്ചില്ല.
ഇതോടെ ഇവര്‍ പങ്കുവെച്ച വീഡിയോയില്‍ തന്നെ അധിക്ഷേപിക്കുന്ന പരാമര്‍ശങ്ങളും ഉള്ളടക്കവുമാണ് ഉള്ളതെന്നാണ് ദിയ പറയുന്നത്. കരഞ്ഞുകൊണ്ടാണ് താരം വീഡിയോ പങ്കുവെച്ചത്. വിദ്വേഷ ഉള്ളടക്കം തയാറാക്കി പ്രചരിപ്പിക്കുന്നത് നിര്‍ത്തലാക്കണമെന്ന് ദിയ ആവശ്യപ്പെട്ടു.
പരാതി ഉപഭോക്തൃപ്രശ്‌ന പരിഹാര കോടതി വഴിയോ അല്ലാതെയോ നേരിടുമെന്നാണ് താരം പറയുന്നത്. തന്റെ ബിസിനസ് കഷ്ടപ്പെട്ട് ഉണ്ടാക്കിയതാണ്. കുടുംബത്തില്‍ ഒരാള്‍ പോലും തന്നെ സഹായിച്ചിട്ടില്ല. സഹായം ചോദിച്ചിട്ടില്ല.
ഒറ്റയ്ക്കാണ് ബിസിനസ് വളര്‍ത്തിയത്. അതിനെ ഇല്ലാതാക്കാന്‍ ശ്രമിക്കുന്നത് കയ്യും കെട്ടി നോക്കി നില്‍ക്കാന്‍ സാധിക്കില്ലെന്നും താരം പറഞ്ഞു.
നിവിന്‍ പോളിയെ പോലെ ഒരാള്‍ പിന്നാലെ വന്നു: അനശ്വര രാജന്‍