18 April 2024
TV9 malayalamI
കേരളത്തിലെ പലഭാഗങ്ങളിലും പ്രത്യേകിച്ച് മലബാറിൽ ഒാരോ കാലത്തിനനുസ‍തമായി ഇറങ്ങുന്ന കോലങ്ങളുണ്ട്. കാവുകളിലും കോട്ടങ്ങളിലും തറവാട്ടുമുറ്റങ്ങളിലുമാണ് ഈ രൂപങ്ങൾ കെട്ടി ആടുന്നത്.
കേട്ടിട്ടില്ലേ... തുടികൊട്ടും കലർന്നോട്ടു ചിലമ്പിൻ കലമ്പിൻ കലമ്പലുകൾ....
വടക്കേ മലബാറിൽ ഓണത്തിന്റെ വരവറിയിച്ചെത്തുന്ന തെയ്യക്കോലമാണ് ഓണപ്പൊട്ടൻ. സംസാരിക്കാത്ത തെയ്യമാണ്‌ ഇത്. അതിനാൽ ഓണപ്പൊട്ടൻ എന്ന് അറിയപ്പെടുന്നു. കോഴിക്കോട് , കണ്ണൂർ ജില്ലകളിലെ ഉൾപ്രദേശങ്ങളിലാണ്‌ ഇത് കൂടുതലായും കണ്ടുവരുന്നത്‌.
മീനം, മേടം മാസങ്ങളിലായി (മാർച്ച്-ഏപ്രിൽ) പമ്പയുടെ തീരത്തുളള കാളീ ക്ഷേത്രങ്ങളിൽ കൊണ്ടാടുന്ന ഒരാഴ്ച്ച നീളുന്ന ആഘോഷമാണ് പടയണി. ദാരികനെ വധിക്കുന്ന കാളിയാണ് എല്ലാ നർത്തകരുടെയും പ്രതിപാദ്യം.
വള്ളുവനാട്ടിലേയും അതിന്റെ സമീപപ്രദേശങ്ങളായ തലപ്പിള്ളി, വന്നേരി, പാലക്കാട്ടുശ്ശേരി എന്നിവിടങ്ങളിലെയും ദേവീക്ഷേത്രോത്സവങ്ങളോടനുബന്ധിച്ച് പെരുമണ്ണാൻ/മണ്ണാൻ സമുദായക്കാർ കെട്ടിയാടുന്ന ഒരു പ്രാചീന നാടൻ കലാരൂപമാണ് പൂതനും തിറയും
പഴയ വള്ളുവനാടൻ പ്രദേശങ്ങളിലും പഴയ കൊച്ചി രാജ്യത്തിന്റെ വടക്കുഭാഗവും ഇന്നത്തെ തൃശൂർ ജില്ലയില്പെടുന്നതുമായ പ്രദേശങ്ങളിലുമുള്ള കാവുകളിലെ ക്ഷേത്രോത്സവങ്ങളുടെ ഭാഗമായി ആചരിയ്ക്കുന്നതുമായ ഒരു കലാരൂപമാണ് പൂതം. ഇടശ്ശേരിയുടെ പൂതപ്പാട്ട്‌ ഈ അനുഷ്ഠാനത്തോട് സാമ്യം പുലർത്തുന്ന കഥാതന്തുവാണ്.