Malayalam News Technology > What is pager and how it's work

Pager: ഒരു കാല്‍ക്കുലേറ്ററിന്റെ വലുപ്പം,എന്താണ് ലെബനനില്‍ പൊട്ടിത്തെറിച്ച പേജറുകൾ

Updated On:

18 Sep 2024 00:54 AM

What is Pager: ലോകചരിത്രത്തിൽ കേട്ടുകേൾവിയില്ലാത്ത ഇലക്ട്രോണിക് ആക്രമണമാണ് നടന്നത്. ഒരേസമയം ഉടനീളമുണ്ടായ പേജർ സ്ഫോടനങ്ങളിൽ എട്ടു പേർ കൊല്ലപ്പെടുകയും 2800 പേർക്ക് പരിക്കേൽക്കുകയും ചെയ്തുവെന്നാണ് റിപ്പോർട്ട്.

ലെബനനിൽ നടന്ന കൂട്ട പേജർ സ്ഫോടനത്തിന്റെ നടുക്കത്തിലാണ് ലോക രാജ്യങ്ങൾ. ലോകചരിത്രത്തിൽ കേട്ടുകേൾവിയില്ലാത്ത ഇലക്ട്രോണിക് ആക്രമണമാണ് നടന്നത്. ഒരേസമയം ഉടനീളമുണ്ടായ പേജർ സ്ഫോടനങ്ങളിൽ എട്ടു പേർ കൊല്ലപ്പെടുകയും 2800 പേർക്ക് പരിക്കേൽക്കുകയും ചെയ്തുവെന്നാണ് റിപ്പോർട്ട്. (images:PTI)

2 / 6

മൊബൈൽ ഫോണുകൾ ഉപയോഗിച്ചാൽ ശത്രുവിന് ലൊക്കേഷൻ കണ്ടെത്തി ആക്രമിക്കാൻ എളുപ്പമായതിനാലാണ് ഹിസ്ബുല്ല സംഘങ്ങൾ ആശയവിനിമയത്തിന് ഇപ്പോഴും പേജറുകൾ ഉപയോഗിച്ചുവരുന്നത്. ഇതാണ് ഇന്ന് ഉച്ചയ്ക്ക് ശേഷം ഒരേ സമയത്ത് ലെബനോനിൽ ഉടനീളം പൊട്ടിത്തെറിച്ചത്. (images:PTI)

3 / 6

എന്നാൽ എന്താണ് പേജറുകൾ. ഇത് ആരാണ് ഉപയോഗിക്കുന്നത്. ഇതിന്റെ സവിശേഷതകൾ എന്തൊക്കെ എന്നതിനെ പറ്റി അറിയുന്നവർ ചുരുക്കമാണ്. അതുകൊണ്ട് തന്നെ പേജറുകൾ എന്താണെന്ന് നോക്കാം.മൊബൈൽ വരുന്നതിന് മുൻപ് ഉപയോഗത്തിലുണ്ടായിരുന്ന വാർത്താ വിനിമയ ഉപകരണമാണ് പേജർ. (images: gettyimages)

4 / 6

1960കളിൽ അടിയന്തര ആവശ്യങ്ങൾക്കായി വികസിപ്പിച്ച ചെറിയ വയർലെസ് കമ്യൂണിക്കേഷൻ ഉപകരണമാണ് പേജർ. ഒരു ദിശയിലേക്ക് മാത്രമുള്ള കമ്യൂണിക്കേഷൻ സിസ്റ്റമായിരുന്നു പേജർ. ഇത് ആദ്യമായി പുറത്തിറക്കിയത് മോട്ടോറോള കമ്പനിയായിരുന്ന. അരയിൽ ക്ലിപ്പ് ചെയ്യാവുന്ന ഒരു വയർലസ് ഉകരണമാണ് ഇത്. (images: gettyimages)

5 / 6

ബീപ്പർ എന്നും ഇത് അറിയപ്പെടുന്നു. റേഡിയോ ഫ്രീക്വൻസി സിഗ്നലിലൂടെയാണ് ഇതിൽ നിന്ന് സന്ദേശം കൈമാറുന്നത്. ചെറിയ തരത്തിലുള്ള സന്ദേശങ്ങൾ സംഖ്യാ അല്ലെങ്കിൽ ആൽഫാന്യൂമെറിക് രീതിയിലാണ് കൈമാറുന്നത് . പേജറുകൾ സാധാരണയായി ഉപയോഗിച്ചിരുന്നത് ആരോഗ്യ മേഖലയിലായിരുന്നു. (images: gettyimages)

6 / 6

ഡോക്ടർമാർക്കും മെഡിക്കൽ സ്റ്റാഫിനും അടിയന്തര സന്ദേശങ്ങൾ അയക്കാനാണ് ഉപയോഗിച്ചത്. ഇന്നും ഇത് ഉപയോഗിക്കുന്നുണ്ട്. അഗ്നിശമന സേനാംഗങ്ങൾ, പോലീസ്, ആംബുലൻസ് എന്നിങ്ങനെയുള്ള അടിയന്തര സേവനങ്ങളിലും പേജറുകൾ ഉപയോഗിക്കാം. നീണ്ട ബാറ്ററി ലൈഫാണ് പേജറുകളുടെ സവിശേഷത. ഇന്റർനെറ്റിന്റെ സൗകര്യം ഇല്ലാതെ തന്നെ ഇത് പ്രവർത്തിപ്പിക്കാൻ കഴിയുന്നുണ്ടെന്നാണ് ഇതിന്റെ പ്രധാന സവിശേഷത. (images: gettyimages)