Malayalam News Photo Gallery > The iPhone SE 4 May Feature A Similar Design To The iPhone 7 Plus With Dual Rear Cameras And 8GB RAM

iPhone SE 4 : പോക്കറ്റ് കീറാതെ ഐഫോൺ സ്വന്തമാക്കാം; പുതിയ മോഡലിൻ്റെ കൂടുതൽ വിവരങ്ങൾ പുറത്ത്

Abdul Basith

Published:

15 Oct 2024 10:59 AM

iPhone SE 4 Features : ഐഫോൺ സ്പെഷ്യൽ എഡിഷൻ്റെ ഏറ്റവും പുതിയ ജനറേഷനായ ഐഫോൺ എസ്ഇ 4ന് ഐഫോൺ 17 പ്ലസിന് സമാനമായ ഡിസൈനാവും ഉണ്ടാവുകയെന്ന് റിപ്പോർട്ട്. ഇരട്ട റിയർ ക്യാമറയും 8 ജിബി റാമും ഫോണിനുണ്ടാവുമെന്നും സൂചനയുണ്ട്.

പോക്കറ്റ് കീറാതെ ഐഫോൺ അനുഭവം ആസ്വദിക്കാൻ ആപ്പിൾ പുറത്തിറക്കിയ സീരീസായിരുന്നു ഐഫോൺ സ്പെഷ്യൽ എഡിഷൻ അഥവാ ഐഫോൺ എസ്ഇ. 2016ൽ ആദ്യ ഫോൺ റിലീസ് ചെയ്ത ഈ സീരീസിൻ്റെ നാലാമത്തെ സീരീസ്, ഐഫോൺ എസ്ഇ 4 റിലീസാവാനൊരുങ്ങുകയാണ്. (Image Credits - Getty Images)

2 / 5

ഐഫോൺ സ്പെഷ്യൽ എഡിഷൻ്റെ ആദ്യ ജനറേഷൻ 2016ൽ ഇറങ്ങിയെങ്കിലും രണ്ടാം ജനറേഷൻ ഇറങ്ങാൻ നാല് കൊല്ലം കഴിയേണ്ടിവന്നു. 2020ലാണ് ഐഫോൺ എസ്ഇ 2 ഇറങ്ങിയത്. രണ്ട് കൊല്ലത്തിന് ശേഷം 2022ൽ ഐഫോൺ എസ്ഇ 3 പുറത്തിറങ്ങി. സീരീസിലെ അടുത്ത മോഡൽ ഏറെ വൈകാതെ എത്തും. (Image Credits - Getty Images)

3 / 5

ഐഫോൺ എസ്ഇ ഫോണിൻ്റെ ഡിസൈൻ സമൂഹമാധ്യമങ്ങളിൽ പ്രചരിക്കുന്നുണ്ട്. ഫ്ലാറ്റ് ബാക്ക് പാനലിൽ ഇരട്ട റിയർ ക്യാമറയാവും ഫോണിൻ്റെ ഡിസൈനെനാണ് സൂചനകൾ. മുൻപിറങ്ങിയ എല്ലാ എസ്ഇ മോഡലുകളിലും സിംഗിൾ ക്യാമറയാണ് ഉണ്ടായിരുന്നത്. ഇതാദ്യമായാണ് ഇരട്ട ക്യാമറ അവതരിപ്പിക്കുന്നത്. (Image Credits - Getty Images)

4 / 5

ആക്ഷൻ ബട്ടണ് പകരം മ്യൂട്ട് സ്വിച്ച് ആവും ഫോണിൽ ഉണ്ടാവുക. ഐഫോൺ 7 പ്ലസ് മോഡലിനോട് സമാനമായ ക്യാമറ ഐലൻഡാണ് ഫോണിലുണ്ടാവുക എന്നും സൂചനയുണ്ട്. ഫേസ് ഐഡി, ആപ്പിൾ ഇൻ്റലിജസ് എന്നീ സൗകര്യങ്ങൾ ഫോണിലുണ്ടാവുമെന്നാണ് റിപ്പോർട്ടുകൾ. 48 എംപിയാവും റിയർ ക്യാമറ. (Image Credits - Getty Images)

5 / 5

6.06 ഇഞ്ച് ഡിസ്പ്ലേയിലുള്ള ഫോണിൽ 8 ജിബി റാമും ആപ്പിൾ എ18 ചിപ്സെറ്റുമാവും ഉണ്ടാവുക എന്നും റിപ്പോർട്ടുകൾ സൂചിപ്പിക്കുന്നു. 42000 രൂപ, 46000 രൂപ എന്നിങ്ങനെയാവും ഫോണിൻ്റെ രണ്ട് വേരിയൻ്റുകളുടെ വില എന്നും ചില സൂചനകളുണ്ട്. (Image Credits - Getty Images)