Malayalam News Photo Gallery > Salman Khan remuneration for hosting Big Boss show is around Rs. 250 crores and becomes one of highest paid TV hosts in India

Salman Khan: ‘അഭിനയത്തിൽ മാത്രമല്ല അവതരണത്തിലും മെഗാസ്റ്റാർ’; ബിഗ് ബോസിനായി സൽമാൻ ഖാൻ വാങ്ങുന്നത് ഒന്നും രണ്ടും കോടിയല്ല!

Nandha Das

Updated On:

07 Oct 2024 16:45 PM

Salman Khan remuneration for hosting Big Boss: ഹിന്ദി ബിഗ്ബോസിന്റെ 18-ാം സീസൺ കഴിഞ്ഞ ദിവസമാണ് ആരംഭിച്ചത്. ഒരു പതിറ്റാണ്ടിലേറെയായി ഷോയുടെ അവതരണം നിർവഹിച്ചുവരുന്ന സൽമാൻ ഖാൻ തന്നെയാണ് ഇത്തവണയും ഷോ അവതരിപ്പിക്കുന്നത്.

അഭിനയത്തിൽ മാത്രമല്ല അവതരണത്തിലും തന്റെ മികവ് തെളിയിച്ചയാളാണ് ബോളിവുഡ് താരം സൽമാൻ ഖാൻ. താരം വാങ്ങുന്ന പ്രതിഫലമാണ് ഇപ്പോൾ മാധ്യമങ്ങളിൽ ചർച്ചയാകുന്നത്. ഇന്ത്യയിൽ പല ഭാഷകളിലായി നടക്കുന്ന ബിഗ്‌ബോസ് ഷോയ്ക്ക് ഒട്ടേറെ ആരാധകരാണുള്ളത്. നൂറ് ദിവസം നീണ്ടു നിൽക്കുന്ന ഈ പരിപാടി പല ഭാഷകളിലായി അവിടുത്തെ പ്രമുഖ താരങ്ങളാണ് അവതരിപ്പിക്കുന്നത്. മലയാളത്തിൽ മോഹൻ ലാൽ, തമിഴിൽ വിജയ് സേതുപതി (മുൻപ് കമൽ ഹാസൻ), തെലുങ്കിൽ നാഗാർജുന, ഹിന്ദിയിൽ സൽമാൻ ഖാൻ തുടങ്ങി ലിസ്റ്റ് ഇനിയും നീളുന്നു. (Image Credits: Salman Khan Facebook)

2 / 5

ബിഗ്ബോസ് പരിപാടിയിൽ പങ്കെടുക്കുന്നവർക്കും അവതരിപ്പിക്കുന്നവർക്കും ലഭിക്കുന്ന പ്രതിഫലം വളരെ ഉയർന്നതാണ്. നിലവിൽ ഷോ ഹിന്ദി, മറാത്തി, തമിഴ്, തെലുങ്ക്, മലയാളം, കന്നഡ, ബംഗാളി എന്നിങ്ങനെ ഏഴ് ഭാഷകളിലാണ് നടക്കുന്നത്. ഇത്രയും ഭാഷകളിൽ ഷോ നടക്കുന്നുണ്ടെങ്കിലും, പ്രതിഫലത്തിന്റെ കാര്യത്തിൽ മുന്നിൽ നിൽക്കുന്നത് ബോളിവുഡ് മെഗാസ്റ്റാർ സൽമാൻ ഖാൻ തന്നെയാണെന്നാണ് റിപോർട്ടുകൾ സൂചിപ്പിക്കുന്നത്. (Image Credits: Salman Khan Facebook)

3 / 5

കളേഴ്സ് ടിവിയിൽ സംപ്രേഷണം ചെയ്യുന്ന ഹിന്ദി ബിഗ്ബോസിന്റെ 18-ാം സീസൺ കഴിഞ്ഞ ദിവസമാണ് ആരംഭിച്ചത്. അതിന് പിന്നാലെയാണ് താരത്തിന്റെ പ്രതിഫല വിവരങ്ങൾ ഇപ്പോൾ ചർച്ചയാകുന്നത്. ഒരു മാസം ഏകദേശം 60 കോടിയോളം രൂപയാണ് സൽമാൻ ഖാൻ ഷോ അവതരിപ്പിക്കുന്നതിനായി വാങ്ങുന്നതെന്നാണ് റിപ്പോർട്ട്. അങ്ങനെയെങ്കിൽ, ബിഗ്ബോസ് സീസൺ പൂർത്തിയാകുമ്പോൾ താരത്തിന് ലഭിക്കുക ഏകദേശം 250 കോടിയോളം രൂപയാണ്. പല ബിഗ് ബജറ്റ് ചിത്രങ്ങളുടെയും മുടക്ക് മുതലിനേക്കാൾ കൂടുതൽ തുകയാണ് സൽമാൻ ഖാന് പ്രതിഫലമായി ലഭിക്കുന്നത്. (Image Credits: Salman Khan Facebook)

4 / 5

ഹിന്ദി ബിഗ്‌ബോസിന്റെ 17-ാം സീസൺ ഏകദേശം 17 ആഴ്ചകളോളമാണ് നീണ്ട് നിന്നത്. ഇത്തവണയും, ഇത് തുടർന്നാൽ ഇന്ത്യൻ ടെലിവിഷൻ ചരിത്രത്തിലെ തന്നെ ഏറ്റവും വിലയേറിയ അവതാരകൻ എന്ന റെക്കോർഡ് സൽമാൻ ഖാൻ സ്വന്തമാക്കും. (Image Credits: Salman Khan Facebook)

5 / 5

ഒരു പതിറ്റാണ്ടിലേറെയായി ഷോയുടെ അവതാരകനായി പ്രവർത്തിച്ചു വരുന്ന സൽമാൻ ഖാൻ, കഴിഞ്ഞ സീസണുകളെക്കാളും ഇത്തവണ പ്രതിഫലം ഉയർത്തിയിട്ടുണ്ട്. അതേസമയം, ഷോയുടെ അവതാരകനായെത്തിയ ആദ്യ കാലത്തിൽ താരം സിനിമയുടെ പ്രതിഫലമായി വാങ്ങിച്ചിരുന്നത് ഏകദേശം 10 കോടിയാണ്. എന്നാൽ, ഇന്ന് അത് 150 കോടി രൂപയായി ഉയർത്തിയിട്ടുണ്ട്. (Image Credits: Salman Khan Facebook)

Choose your language

Network