Malayalam News Photo Gallery > dont uses earphones while walking it is harmfull to your health, check what is Silent Walking

Silent Walking: നടക്കാനിറങ്ങുമ്പോൾ ഇയർപോഡുകൾ വെയ്ക്കരുത്… ഗുണം കുറയുമോ? ശീലിക്കാം നിശബ്ദനടത്തം

Neethu Vijayan

Published:

26 Oct 2024 17:04 PM

What Is Silent Walking: ഇങ്ങനെ നടക്കാനിറങ്ങുമ്പോൾ നിങ്ങളുടെ ചിന്തകളും വികാരങ്ങളും സ്വയം മനസിലാക്കാനും ക്രിയാത്മകമായി എന്തെങ്കിലുമൊക്കെ ആലോചിക്കാനും സാധിക്കുകയും ചെയ്യും. ഇയർപോഡ് പോലുള്ള ഡിജിറ്റൽ ഉപകരണങ്ങളിൽനിന്ന് ഇടവേളയെടുക്കുന്നത് ഏകാഗ്രത വർദ്ധിപ്പിക്കാൻ സഹായിക്കും.

ഇന്നത്തെ ജീവിതശൈലിയിൽ പലർക്കും വ്യായാമം അത്യാവശ്യ ഘടകമാണ്. വെളുപ്പിനെ ഉണർന്നെഴുന്നേറ്റ് ആ തണുപ്പിലും ശാന്തതയിലും പുറത്തിറങ്ങി അരമണിക്കൂറെങ്കിലും നടക്കുന്നത് നിങ്ങളുടെ ആരോഗ്യത്തിനും ഊർജ്ജത്തിനും വളരെയധികം നല്ലതാണ്. നടത്തം കഴിഞ്ഞെത്തുമ്പോഴേക്കും ഒന്ന് ഉഷാറാവുകയും ചെയ്യും. (Image Credits: Freepik)

2 / 6

എന്നാൽ രാവിലെ ട്രാക്ക്‌സ്യൂട്ടും വോക്കിംഗ് ഷൂവും ധരിച്ച് നടക്കാനിറങ്ങുമ്പോൾ നിങ്ങൾ ചെവിയിൽ ഇയർ പോഡുകളും കൂടി വയ്ക്കാറുണ്ടോ? പാട്ടുകേട്ടും വാർത്തകളും അതുപോലുള്ള എന്തെങ്കിലുമൊക്കെ കേട്ടുകൊണ്ടാണോ നിങ്ങൾ നടക്കാൻ ഇറങ്ങുന്നത്. എങ്കിൽ അത് അത്രനല്ല ശീലമല്ല. ചെവിയിൽ ഇയർപോഡ് വച്ചുകൊണ്ടുള്ള നടത്തത്തേക്കാൾ അവ ഉപേക്ഷിച്ചുകൊണ്ട് നടക്കുന്നതാണ് ഉത്തമമെന്നാണ് ആരോഗ്യ വിദഗ്ധർ പറയുന്നു. (Image Credits: Freepik)

3 / 6

ശ്രദ്ധതിരിക്കുവാൻ സംഗീതമോ സംസാരമോ ഇല്ലാതെ, കിളികളുടെ ശബ്ദം കേട്ട് പ്രകൃതിയോടെ തൊട്ടിണങ്ങി എന്തിന് നിങ്ങളുടെ കാൽപ്പാദങ്ങളുടെ താളം ശ്രവിച്ചുകൊണ്ട് ഒന്ന് നടന്നുനോക്കൂ. അതാണ് ഏറ്റവും ആരോഗ്യകരവും ഫലപ്രദവുമായ നടത്തമെന്നാണ് വിദഗ്ധർ പറയുന്നു. അത്തരത്തിലുള്ള നടത്തത്തെയാണ് നിശബ്ദ നടത്തം എന്ന് പറയുന്നത്. (Image Credits: Freepik)

4 / 6

ഇങ്ങനെ നടക്കാനിറങ്ങുമ്പോൾ നിങ്ങളുടെ ചിന്തകളും വികാരങ്ങളും സ്വയം മനസിലാക്കാനും ക്രിയാത്മകമായി എന്തെങ്കിലുമൊക്കെ ആലോചിക്കാനും സാധിക്കുകയും ചെയ്യും. ഇയർപോഡ് പോലുള്ള ഡിജിറ്റൽ ഉപകരണങ്ങളിൽനിന്ന് ഇടവേളയെടുക്കുന്നത് ഏകാഗ്രത വർദ്ധിപ്പിക്കാൻ സഹായിക്കും. (Image Credits: Freepik)

5 / 6

നിശബ്ദമായ നടത്തം പ്രത്യേകിച്ച് വൈകുന്നേരങ്ങളിൽ ശരീരത്തെ കൂടുതൽ റിലാക്‌സ് ചെയ്യുന്നു. പതിവായി ഇത്തരത്തിലുള്ള നടത്തം ഹൃദയാരോഗ്യം, രക്തചംക്രമണം, ഫിറ്റ്‌നെസ് എന്നിവ മെച്ചപ്പെടുത്തുകയും ചെയ്യും. നടക്കുന്നതിനായി ആദ്യം തന്നെ ഒരുപാട് ദൂരം തിരഞ്ഞെടുക്കാതെ 10 അല്ലെങ്കിൽ15 മിനിറ്റ് ദൂരം തിരഞ്ഞെടുക്കുക. നടത്തം സുഖകരമായിത്തുടങ്ങുമ്പോൾ ദൈർഘ്യം കൂട്ടാം. (Image Credits: Freepik)

6 / 6

ദിവസവും നടക്കാൻ പരിചിതമായ വഴി ആദ്യം തിരഞ്ഞെടുക്കണം. ഫോൺ വീട്ടിൽത്തന്നെ സൂക്ഷിക്കാൻ പരമാവധി ശ്രദ്ധിക്കുക. ഇനി ഫോൺ വീട്ടിൽവച്ച് പോകാൻ മടിയുള്ളവരാണെങ്കിൽ ഫോൺ സൈലന്റ് മോഡിലിട്ട് പോക്കറ്റിലോ മറ്റോ സൂക്ഷിക്കാവുന്നതാണ്. നടക്കാൻ രാവിലെയോ വൈകുന്നേരമോ നിങ്ങൾക്ക് ഇഷ്ടമുള്ള സമയം തിരഞ്ഞെടുക്കാം. (Image Credits: Freepik)