Malayalam News Photo Gallery > Actor Bala Ex Wives From First Wife Chandana Sadasiva To Singer Amritha Suresh Check Who All Went Through His Life

Actor Bala : കന്നഡ സ്വദേശിനി, ഗായിക, ഡോക്ടർ, ഇപ്പോൾ മുറപ്പെണ്ണ്; ബാലയുടെ ജീവിതസഖി ആയവർ

Jenish Thomas

Published:

24 Oct 2024 17:24 PM

Actor Bala Ex Wives : ഗായിക അമൃത സുരേഷാണ് നടൻ ബാലയുടെ ആദ്യ ഭാര്യ എന്ന് എല്ലാവരും കരുതിയിരുന്നത്. എന്നാൽ അടുത്തിടെയാണ് താരത്തിൻ്റെ ആദ്യ ഭാര്യ ഒരു കന്നഡ സ്വദേശിനിയാണെന്ന് പുറംലോകം അറിയുന്നത്.

കഴിഞ്ഞ ദിവസമാണ് നടനും ചലച്ചിത്ര നിർമാതാവുമായ ബാല വീണ്ടും വിവാഹതിനായത്. ഇതോടെ താരം തൻ്റെ നാലാം വൈവാഹിക ജീവിതത്തിലേക്കാണ് പ്രവേശിച്ചിരിക്കുന്നത്. തമിഴ്നാട് ചെന്നൈ സ്വദേശിനിയും ബാലയുടെ മുറപ്പെണ്ണുമായ കോകിലായണ് വധു. ഇന്നലെ ഒക്ടോബർ 23-ാം തീയതി കലൂർ പാവക്കുളം ക്ഷേത്രത്തിൽ വെച്ചായിരുന്നു ബാലയും കോകിലയും തമ്മിൽ വിവാഹിതരായത്. (Image Courtesy : Social Media)

2 / 6

ഡോക്ടറായ എലിസബത്ത് ഉദയനുമായി ബന്ധം വേർപ്പെടുത്തിയതിന് ശേഷമാണ് ബാല നാലാമത് വിവാഹിതനാകുന്നത്. 2021ലാണ് ബാല എലിസബത്തിനെ വിവാഹം ചെയ്യുന്നത്. എന്നാൽ ഇരുവരും നിയമപരമായി വിവാഹം രജിസ്റ്റർ ചെയ്തിരുന്നില്ല. (Image Courtesy : Social Media)

3 / 6

തുടർന്ന് കഴിഞ്ഞ വർഷമാണ് ഇരുവരും ബന്ധം അവസാനിപ്പിച്ചത്. എലിസബത്ത് കുടുംബത്തോടൊപ്പം മറ്റൊരുടത്തേക്ക് മാറി. വിവാഹം രജിസ്റ്റർ ചെയ്യാത്തതിനാൽ എലിസബത്തുമായിട്ടുള്ള ബന്ധത്തിൽ ബാലയ്ക്ക് നിയമപരമായ മറ്റ് പ്രതിസന്ധികൾ ഉണ്ടായിരുന്നില്ല. തുടർന്ന് നടൻ നാലാമത്തെ വിവാഹത്തിനായി തയ്യാറെടുത്തത്. (Image Courtesy : Social Media)

4 / 6

2010ലാണ് ബാലയും ഗായിക അമൃത സുരേഷിനെ കല്യാണം കഴിക്കുന്നത്. ഏഷ്യനെറ്റിൽ സംപ്രേഷണം ചെയ്തിരുന്ന ഐഡിയ സ്റ്റാർ സിംഗറിൻ്റെ അണിയറയിൽ വെച്ച് ബാലയും അമൃതയും തമ്മിൽ പ്രണയത്തിലാകുകയും അത് വിവാഹത്തിലേക്ക് നയിക്കുകയുമായിരുന്നു. എന്നാൽ ആ ബന്ധം 2015ൽ വേർപിരിഞ്ഞു. തുടർന്ന് 2019ലാണ് അമൃതയും ബാലയും തമ്മിൽ നിയമപരമായി വേർപിരിഞ്ഞത്. ഈ ബന്ധത്തിൽ ഇരുവർക്കും ഒരു പെൺകുഞ്ഞ് ഉണ്ട്. (Image Courtesy : Social Media)

5 / 6

എല്ലാവരും കരുതിയിരുന്നത് ബാലയുടെ ആദ്യ ഭാര്യ അമൃത സുരേഷ് എന്നാണെന്നായിരുന്നു. എന്നാൽ അടുത്തിടെ ബാലയും അമൃതയും തമ്മിലുള്ള പ്രശ്നം സോഷ്യൽ മീഡിയയിൽ വലിയ ചർച്ചയായതോടെയാണ് നടൻ്റെ ആദ്യ ഭാര്യ മറ്റൊരാളാണെന്ന് പുറംലോകം അറിയുന്നത്. കർണാടകയിലെ മൈസൂരു സ്വദേശിനിയായ ഒരു ചന്ദന സാദാശിവ റെഡ്ഡിയാറാണ് ബാലയുടെ ആദ്യ ഭാര്യയെന്ന് അമൃത സുരേഷ് താൻ പങ്കുവെച്ച ഒരു വീഡിയോയിലൂടെ വെളിപ്പെടുത്തി. (Image Courtesy : Social Media)

6 / 6

ചന്ദനയുമായി വിവാഹബന്ധം വേർപ്പെടുത്തിയതിന് ശേഷമാണ് ബാല അമൃതയെ വിവാഹം ചെയ്യുന്നത്. ഇക്കാര്യം ബാല വിവാഹത്തിന് മുമ്പ് തന്നോട് മറച്ചുവെച്ചുയെന്ന് ഗായിക തൻ്റെ വീഡിയോയിലൂടെ പറഞ്ഞിരുന്നു. താൻ ഇക്കാര്യം അറിയുന്നത് തൻ്റെ അച്ഛൻ്റെ സുഹൃത്തായ സംഗീത സംവിധായകൻ രാജാമണിയിലൂടെയാണെന്നും അമൃത വീഡിയോയിൽ കൂട്ടിച്ചേർത്തിരുന്നു. (Image Courtesy : Actor Bala Facebook)