Man Steals RTC Bus: അമ്മായിയമ്മയെ കാണാൻ പോകാൻ സർക്കാർ ബസ് മോഷ്ടിച്ചു; യുവാവ് പിടിയിൽ
Andhra Pradesh News: ബസ് സ്റ്റാന്ഡിനോട് ചേര്ന്നുള്ള പെട്രോള് പമ്പില് നിര്ത്തിയിട്ടിരുന്ന ആര്ടിസി ബസ് മോഷ്ടിക്കുകയായിരുന്നു. ബസിനടുത്ത് ആളില്ലെന്ന് ഉറപ്പുവരുത്തിയ ശേഷമാണ് ദുര്ഗയ്യ ബസുമായി കടന്നുകളഞ്ഞത്.
അമരാവതി: അമ്മായിയമ്മയെ കാണാന് പോകുന്നതിനായി സര്ക്കാര് ബസ് മോഷ്ടിച്ച യുവാവ് പിടിയില്. വെങ്കിടാപുരം സ്വദേശിയായ ദുര്ഗയ്യയാണ് ബസ് മോഷ്ടിച്ചത്. ദുര്ഗയ്യയുടെ ഭാര്യയുടെ മാതാവ് താമസിക്കുന്ന അത്തഗാരിയിലേക്ക് പോകുന്നതിനാണ് ഇയാള് ബസ് സ്റ്റാന്ഡിലേക്കെത്തിയത്. ഈ സമയത്ത് ബസ് സ്റ്റാന്ഡിനോട് ചേര്ന്നുള്ള പെട്രോള് പമ്പില് നിര്ത്തിയിട്ടിരുന്ന ആര്ടിസി ബസ് മോഷ്ടിക്കുകയായിരുന്നു.
ബസിനടുത്ത് ആളില്ലെന്ന് ഉറപ്പുവരുത്തിയ ശേഷമാണ് ദുര്ഗയ്യ ബസുമായി കടന്നുകളഞ്ഞത്. ബസ് ഓടിച്ച് അത്തഗാരിയില് എത്തി അമ്മായിയമ്മയെ കണ്ട ശേഷം നാട്ടിലേക്ക് മടങ്ങി. നാട്ടിലെത്തിയ ഉടന് തന്നെ ഇയാള് ബസ് അടുത്തുള്ള പോലീസ് സ്റ്റേഷനില് ഏല്പ്പിച്ചു. ബസുമായി ഒരാള് സ്റ്റേഷനിലേക്കെത്തിയത് കണ്ട് പോലീസുകാരും അമ്പരന്നു.
Also Read: Vande Bharat: എറണാകുളത്തുനിന്ന് ബംഗളൂരുവിലേക്ക് റേറ്റ് കുറവ് വന്ദേഭാരതിന് മാത്രമോ?
എന്നാല് ഇതിനോടകം ബസ് കണ്ടെത്തുന്നതിനായി പോലീസ് അന്വേഷണം ആരംഭിച്ചിരുന്നു. വിശദമായ ചോദ്യം ചെയ്യലില് അത്തഗാരി വരെ പോകാന് കയ്യില് പണമില്ലാത്തതിനാലാണ് ബസ് മോഷ്ടിച്ചതെന്ന് പ്രതി പോലീസിനോട് പറഞ്ഞു. ഇയാള്ക്കെതിരെ പോലീസ് ഇതുവരെ കേസെടുത്തിട്ടില്ല.