Aadujeevitham song Periyone : ഹോളിവുഡ് മ്യൂസിക് ഇൻ മീഡിയ അവാർഡ് പട്ടികയിൽ ആദ്യമായൊരു മലയാള ഗാനം, ആടുജിവിതത്തിലെ ‘പെരിയോനേ’
Perione song from the movie Aadujeevitham: ബുധനാഴ്ചയാണ് അധികൃതർ പട്ടിക പുറത്തു വന്നത്. ഫീച്ചർ ഫിലിം വിഭാഗത്തിലാണ് 'പെരിയോനേ'യും ഇടം പിടിച്ച് മത്സരിച്ചിരിക്കുന്നത്.
തിരുവനന്തപുരം: മലയാളത്തിൽ ഏറെ കോളിളക്കം സൃഷ്ടിച്ച സിനിമയായിരുന്നു പൃഥ്വിരാജിനെ നായകനാക്കി ബ്ലെസ്സി സംവിധാനം ചെയ്ത ആടുജീവിതം. എ.ആർ. റഹ്മാന്റെ മലയാളത്തിലേക്കുള്ള മടങ്ങിവരവ് ആഘോഷമാക്കിയ ചിത്രമായിരുന്നു ആടുജീവിതം. ചിത്രത്തിലെ എല്ലാ പാട്ടുകളും സൂപ്പർ ഹിറ്റായിരുന്നു.
ഇതിൽ ജിതിൻ രാജ് പാടിയ പെരിയോനേ എന്ന ഗാനം ആണ് കൂടുതൽ ശ്രദ്ധ നേടിയതും ഏറ്റവും കൂടുതൽ പേരുടെ പ്ലേ ലിസ്റ്റിൽ കടന്നുകൂടിയതും. ഇപ്പോൾ മലയാളത്തിലെ ഒരു ഗാനത്തിനും എത്താൻ കഴിയാതിരുന്ന ഒരു നേട്ടത്തിനരികെയാണ് ഈ ഗാനം എത്തിയിരിക്കുന്നത്. ലോക പ്രശസ്തമായ ഹോളിവുഡ് മ്യൂസിക് ഇൻ മീഡിയ പുരസ്കാരങ്ങൾക്കായുള്ള (HMMA) നാമനിർദേശ പട്ടികയിൽ പെരിയോനേയും ഇടംപിടിച്ചിരിക്കുകയാണ് എന്ന വിവരമാണ് ഇപ്പോൾ പുറത്തു വരുന്നത്.
ബുധനാഴ്ചയാണ് അധികൃതർ പട്ടിക പുറത്തു വന്നത്. ഫീച്ചർ ഫിലിം വിഭാഗത്തിലാണ് ‘പെരിയോനേ’യും ഇടം പിടിച്ച് മത്സരിച്ചിരിക്കുന്നത്. എ.ആർ.റഹ്മാനും റഫീഖ് അഹമ്മദും ചേർന്നാണ് ഈ ഗാനം രചിച്ചിരിക്കുന്നത്.
നിലവിൽ ആടുജീവിതം ഓസ്കറിൽ മത്സരിപ്പിക്കുന്നതുമായി ബന്ധപ്പെട്ടുള്ള നടപടികൾ പുരോഗമിക്കുകയാണ്. ചാലഞ്ചേഴ്സ്, എമിലിയ പേരെസ്, ബെറ്റർമാൻ, ട്വിസ്റ്റേഴ്സ്, ദ ഐഡിയ ഓഫ് യു, ദ സിക്സ് ട്രിപ്പിൾ എയ്റ്റ്, ബ്ലിറ്റ്സ് എന്നിവയാണ് ആടുജീവിതത്തിനുപുറമേ ഫീച്ചർ ഫിലിം ഗാന വിഭാഗത്തിലെ മറ്റുചിത്രങ്ങൾ എന്നും വിവരമുണ്ട്.
ഇതിൽ എമിലിയ പേരെസിലെ രണ്ട് ഗാനങ്ങൾക്ക് നാമനിർദേശം ലഭിച്ചിട്ടുണ്ട്. ഈ മാസം 20-ന് ഹോളിവുഡിലെ അവലോണിലാണ് പുരസ്കാര വിതരണ ചടങ്ങ് നടക്കുന്നത്. സെലീന ഗോമസ്, ഡ്വൈയ്ൻ ജോൺസൺ തുടങ്ങിയവർ ചടങ്ങിനെത്തും.
Jharkhand Election: ഝാര്‍ഖണ്ഡില്‍ ആദ്യ ഘട്ട വോട്ടെടുപ്പ് ഇന്ന്; മൊത്തം 43 മണ്ഡലങ്ങൾ, 683 സ്ഥാനാർഥികൾ
SA vs IND : ആദ്യമൊരു സെഞ്ചുറി, പിന്നൊരു ഡക്ക്; എല്ലാ കണ്ണുകളും സഞ്ജുവിൽ: ഇന്ന് മൂന്നാം ടി20
Kerala By Election 2024: വയനാടും ചേലക്കരയും ഇന്ന് വിധിയെഴുതും; വോട്ടെടുപ്പ് ആരംഭിച്ചു
