Mohini Dey: എ ആർ റഹ്മാന്റെ ​ബാസിസ്റ്റ് മോഹിനി ഡേ വിവാഹമോചിതയായി; തീരുമാനം സെെറയുടെ വെളിപ്പെടുത്തലിന് പിന്നാലെ

AR Rahman, Mohini Dey(Image Credits: Social Media)

ന്യൂഡൽഹി: സംഗീതസംവിധായകൻ എ.ആർ.റഹ്മാനും ഭാര്യ സൈറ ഭാനുവും വേർപിരിയുന്നു എന്ന വാർത്ത പുറത്തുവന്നതിന് പിന്നാലെ ആരാധകരെ ഞെട്ടിച്ച് വീണ്ടുമൊരു വേർപിരിയൽ വാർത്ത. എ ആർ റഹ്മാൻ്റെ ബാൻഡിലെ പ്രശസ്ത ​ബാസിസ്റ്റ് മോഹിനി ഡേയാണ് താൻ വിവാഹമോചിതയായെന്ന കാര്യം സമൂഹമാധ്യമങ്ങളിലൂടെ ആരാധകരെ അറിയിച്ചത്.

ഭർത്താവും സംഗീത സംവിധായകനുമായ മാർക്ക് ഹാർട്ട്‌സച്ചും താനും വേർപിരിയുകയാണെന്ന കാര്യം ഇൻസ്റ്റ​ഗ്രാമിലൂടെയാണ് ആരാധകരെ അറിയിച്ചത്. ഇരുവരും സംയുക്തമായാണ് പോസ്റ്റ് പങ്കുവച്ചിരിക്കുന്നത്. വേർപിരിയൽ തീരുമാനം ഇരുവരും ഒന്നിച്ചു ചേർന്നെടുത്തതാണെന്നും മോഹിനി ഡേ ഇൻസ്റ്റ​ഗ്രാം പോസ്റ്റിൽ കുറിച്ചു.

മോഹിനി ഡേയുടെ ഇൻസ്റ്റ​ഗ്രാം പോസ്റ്റ്

ഞാനും മാർക്കും വേർപിരിഞ്ഞതായി ഹൃദയഭാരത്തോടെ നിങ്ങളെല്ലാവരെയും അറിയിക്കുന്നു. സുഹൃത്തുക്കളോടും കുടുംബാംഗങ്ങളോടുമുള്ള ഞങ്ങളുടെ പ്രതിബദ്ധത ഈ അവസരത്തിൽ അറിയിക്കുന്നു. പരസ്പര സമ്മതത്തോട് കൂടിയുള്ള വേർപിരിയലാണിത്. ഇനിയും നല്ല സുഹൃത്തുകളായി ജീവിതകാലമത്രയും ഞങ്ങൾ തുടരും. ജീവിതത്തിൽ വ്യത്യസ്തമായ കാര്യങ്ങൾ വേണമെന്നും പരസ്പര ഉടമ്പടിയിലൂടെയുള്ള വേർപിരിയലാണ് മുന്നോട്ട് പോകാനുള്ള ഉചിതമായ മാർ​ഗമാണ് ഞങ്ങൾ തീരുമാനിക്കുകയായിരുന്നു.

വേർപിരിഞ്ഞാലും താനും മാർക്കും MaMoGi, Mohini Dey ഉൾപ്പെടെയുള്ള പ്രോജക്ടുകളിൽ സഹകരിക്കുന്നത് തുടരുമെന്നും മോഹിനി ‌ഡേ ആരാധകർക്ക് ഉറപ്പ് നൽകി. ഒരുമിച്ച് പ്രവർത്തിക്കുന്നതിൽ അഭിമാനമുണ്ടെന്നും അവർ ഇൻസ്റ്റ​ഗ്രാമിൽ കുറിച്ചു. തങ്ങളുടെ സ്വകാര്യതയെ മാനിക്കണമെന്നും, വിവാഹമോചനത്തെ സുഹൃത്തുകളും ആരാധകപരും പിന്തുണക്കണമെന്നും അവർ അഭ്യർത്ഥിച്ചു. 29 കാരിയായ മോഹിനി കൊൽക്കത്ത സ്വദേശിയാണ്. ആ ഏർ റഹ്മാനൊപ്പം വിവിധ വേദികളിലായി 40 -ൽ അധികം ഷോകളിൽ മോഹിനി ഡേ പങ്കെടുത്തിട്ടുണ്ട്. 2023 ഓഗസ്റ്റിലാണ് മോഹിനി ഡേയുടെ ആദ്യ ആൽബം പുറത്തിറങ്ങിയത്.

ആരാണ് മോഹിനി ഡേ?

സുജോയ് ഡേ- റോമിയ ഡേ ദമ്പതികളുടെ മകളായി കൊൽക്കത്തയിലാണ് മോഹിനി ഡേയുടെ ജനനം. പിതാവ് സുജോയ് ഡേയുടെ പാത പിന്തുടർന്നാണ് മോഹിനി ഡേ സം​ഗീത ലോകത്തെത്തിയത്. 3 വയസിൽ ആരംഭിച്ച സം​ഗീത പഠനം അവളെ ലോകപ്രശസ്തമാക്കി. റഹ്‌മാന്റെ ടീമിലെ മറ്റൊരു ഡ്രമ്മര്‍ രഞ്ജിത് ബാറോട്ട് വഴിയാണ് മോഹിനി ലോകപ്രശസ്തമായ പല പരിപാടികളുടെ ഭാ​ഗമായത്.

മുംബൈ നിര്‍വാണ സ്റ്റുഡിയോയിലെ റെക്കോര്‍ഡിം​ഗിനിടെയാണ് അവർ ആ ഏർ റഹ്മാനെ പരിചയപ്പെടുന്നത്. ആ പരിചയം റഹ്മാന്റെ ബാൻഡിലേക്കെത്തി. റഹ്മാന്റെ സ്റ്റേജ് ഷോകൾക്കൊപ്പം അദ്ദേഹത്തിന്റെ പല സിനിമകളുടെ റെക്കോര്‍ഡിം​ഗും മോഹിനി ചെയ്തിട്ടുണ്ട്.
സക്കീര്‍ ഹുസൈന്‍, ശിവമണി, രഞ്ജിത് ബരോട്ട്, ലൂയിസ് ബാങ്ക്‌സ്, ഹരിഹരന്‍, പ്രസന്ന, മൈക്ക് സ്റ്റേണ്‍, ജോര്‍ജ് ബ്രൂക്ക്‌സ് നിരവധി പ്രശസ്തരായ സം​ഗീതജ്ഞർക്കൊപ്പവും മോഹിനി വർക്ക് ചെയ്തിട്ടുണ്ട്.

ചൊവ്വാഴ്ചയാണ് സം​ഗീത സംവിധായകൻ റഹ്മാനും പങ്കാളി സൈറ ഭാനുവും വേർപിരിയൽ വാർത്ത ഔദ്യോ​ഗികമായി ആരാധകരെ അറിയിച്ചത്. സൈറയുടെ അഭിഭാഷക വന്ദനാ ഷാ ആണ് വേർപിരിയിൽ വാർത്ത ഔദ്യോ​ഗികമായി അറിയിച്ചത്. വെെകാരിക പ്രശ്നങ്ങളാണ് ഇവരുടെ ദാമ്പത്യ ബന്ധത്തെ തച്ചുടച്ചതെന്നും ഏറെ പ്രയാസകരമായ തീരുമാനമാണ് കെെക്കൊണ്ടിരിക്കുന്നതെന്നും അഭിഭാഷക പറഞ്ഞിരുന്നു.

1995-ലായിരുന്നും എആര്‍. റഹ്മാൻ – സെെറ ഭാനു വിവാഹം. നീണ്ട 29 വർഷത്തെ ദാമ്പത്യമാണ് ഇരുവരും അവസാനിപ്പിക്കുന്നത്. ഖദീജ റഹ്മാൻ , റഹീമ റഹ്മാൻ, എ.ആര്‍. അമീന്‍ എന്നിവരാണ് മക്കള്‍.