Adithattu OTT : റിലീസായിട്ട് രണ്ട് വർഷം കഴിഞ്ഞു; അടിത്തട്ട് അവാസനം ഒടിടിയിലേക്ക്, എവിടെ, എപ്പോൾ കാണാം?
Adithattu OTT Platform And Release Date : 2022ൽ തിയറ്ററുകളിൽ എത്തിയ ചിത്രമാണ് അടിത്തട്ട്. കടലിനെ പശ്ചാത്തലമാക്കി ഒരുക്കിയിരിക്കുന്ന ആക്ഷൻ ഡ്രാമ ചിത്രമാണ് അടിത്തട്ട്.
അടിത്തട്ട് സിനിമയുടെ പോസ്റ്റർ (Image Courtesy : Social Media)
കഴിഞ്ഞ വർഷം രണ്ടാമത്തെ മികച്ച ചിത്രത്തിനുള്ള സംസ്ഥാന ചലച്ചിത്ര പുരസ്കാരം നേടിയ സിനിമയായ അടിത്തട്ട് അവസാനം ഒടിടി (Adithattu OTT) റിലീസിന് തയ്യാറെടുക്കുന്നു. 2022 ജൂലൈയിൽ തിയറ്ററുകളിൽ റിലീസ് ചെയ്ത ചിത്രമാണ് ഇപ്പോൾ രണ്ട് വർഷങ്ങൾ പിന്നിട്ടതിന് ശേഷം ഒടിടിയിലേക്ക് എത്തുന്നത്. പൃഥ്വിരാജ് നായകനായി എത്തിയ ഡാർവിൻ്റെ പരിണാമം എന്ന സിനിമയുടെ സംവിധായകൻ ഒരുക്കിയ ചിത്രത്തിന് തിയറ്ററുകളിൽ വേണ്ടത്ര ശ്രദ്ധ നേടിയെടുക്കാൻ സാധിച്ചിരുന്നില്ല. തുടർന്ന് ഏറെ നാളത്തെ കാത്തിരിപ്പിനൊടുവിലാണ് ചിത്രം ഇപ്പോൾ ഒടിടിയിൽ സംപ്രേഷണം ചെയ്യാൻ ഒരുങ്ങുന്നത്.
അടിത്തട്ട് ഒടിടി എന്ന് എപ്പോൾ?
ആമസോൺ പ്രൈം വീഡിയോയാണ് അടിത്തട്ടിൻ്റെ ഒടിടി അവകാശം സ്വന്തമാക്കിയിരിക്കുന്നത്. അതേസമയം ഒടിടി സംപ്രേഷണം എന്ന് മുതൽ ആണെന്ന് വ്യക്തമാക്കിട്ടില്ല. ഉടൻ തന്നെ ചിത്രത്തിൻ്റെ ഡിജിറ്റൽ സംപ്രേഷണം ആരംഭിക്കുമെന്നാണ് സിനിമ വൃത്തങ്ങൾ സൂചിപ്പിക്കുന്നത്. സണ്ണി വെയ്ൻ, ഷൈൻ ടോം ചാക്കോ, പ്രശാന്ത് അലക്സാണ്ടർ എന്നിവർ കേന്ദ്രകഥാപാത്രങ്ങളാക്കി കൊണ്ട് കടലിൻ്റെ പശ്ചാത്തലത്തിൽ ഒരുക്കിയ ചിത്രമാണ് അടിത്തട്ട്. സിനിമയുടെ ഭൂരിഭാഗം സീനുകളും ഉൾക്കടലിൽ വെച്ചാണ് ചിത്രീകരിച്ചിരിക്കുന്നത്.
സണ്ണി വെയ്ൻ, ഷൈൻ ടോം ചാക്കോ, പ്രശാന്ത് അലക്സാണ്ടർ എന്നിവർക്ക് പുറമെ ജയ പാളൻ, മുരുകൻ മാർട്ടിൻ, ജോസഫ് യേശുദാസ്, മുള്ളൻ സാബുമോൻ അബ്ദുസമദ് എന്നിവരാണ് അഭിനയിച്ചിട്ടുള്ളത്. മിഡിൽ മാർച്ച് സ്റ്റുഡിയോസിൻ്റെയും കാനായിൽ ഫിലിംസിൻ്റെയും ബാനറിൽ സൂസൻ ജോസഫും സിൻ ട്രീസയും ചേർന്നാണ് അടിത്തട്ട് നിർമിച്ചിരിക്കുന്നത്. ഖായിസ് മില്ലെനാണ് ചിത്രത്തിൻ്റെ രചന നിർവഹിച്ചിരിക്കുന്നത്. പാപ്പിനുവാണ് ഛായാഗ്രാഹകൻ. സംഗീതം നൽകിയിരിക്കുന്നത് നെസെർ അഹമ്മദാണ്. നൗഫൽ അബ്ദുള്ളയാണ് എഡിറ്റർ.
സിനിമയുടെ മറ്റ് അണിയറപ്രവർത്തകർ
എക്സിക്യൂട്ടിവ് പ്രൊഡ്യൂസർ- വിനീഷ് വിജയൻ, സൗണ്ട് സിസൈൻ- സിങ്ക് സിനിമ, സൗണ്ട് മിക്സിങ്- സിനോയി ജോസഫ്, ആക്ഷൻ- ഫീനിക്സ് പ്രഭു, ആർട്ട്- അഖിൽ രാജ് ചിറയിൽ, കോസ്റ്റ്യൂ- സ്റ്റെഫി സേവ്യർ, മേക്ക്അപ്പ്- രഞ്ജിത് മണലിപറമ്പിൽ, പ്രൊഡക്ഷൻ കൺട്രോളർ- ദീപക് പരമേശ്വർ, വരികൾ- ഷർഫു അമിഷാഫ്, ലക്ഷ്മി ചിറയേടത്ത്