Cochin International Airport Recruitment: കൊച്ചി വിമാനത്താവളത്തിൽ 208 ഒഴിവുകൾ; യോഗ്യത പത്താം ക്ലാസ്

കൊച്ചി അന്താരാഷ്ട്ര വിമാനത്താവളത്തിലെ വിവിധ തസ്തികകളിലായുള്ള 208 ഒഴിവുകളിലേക്ക് എഐ എയർപോർട്ട് സർവീസസ് അപേക്ഷ ക്ഷണിച്ചു. വാക്-ഇൻ ഇന്റർവ്യൂ വഴിയാണ് തെരഞ്ഞെടുപ്പ്. മൂന്ന് വർഷത്തെ കാരാർ നിയമനം ആയിരിക്കും. ആവശ്യമെങ്കിൽ പിന്നീട് നീട്ടിനൽകും. ഹാൻഡി മാൻ/ ഹാൻഡി വുമൺ, റാംപ് സർവീസ് എക്സിക്യൂട്ടീവ്, യൂട്ടിലിറ്റി ഏജന്റ് കം റാംപ് ഡ്രൈവർ എന്നീ തസ്തികളിലേക്കാണ് അപേക്ഷ ക്ഷണിച്ചത്.

തസ്തിക: ഹാൻഡി മാൻ/ ഹാൻഡി വുമൺ

• ഒഴിവുകൾ: 201
• ശമ്പളം: 18,840 രൂപ
• യോഗ്യത : പത്താം ക്ലാസ് വിജയം + ഹിന്ദി ഇംഗ്ലീഷ് ഭാഷകളിൽ പ്രാവീണ്യം.
• പ്രായം: ഉയർന്ന പ്രായപരിധി 28
• വാക് ഇൻ അഭിമുഖത്തിന്റെ തീയതി – ഒക്ടോബർ 7

തസ്തിക: റാംപ് സർവീസ് എക്സിക്യൂട്ടീവ്

• ഒഴിവുകൾ: 3
• ശമ്പളം: 24,690 രൂപ
• യോഗ്യത: മെക്കാനിക്കൽ/ ഇലക്ട്രിക്കൽ/ പ്രൊഡക്ഷൻ/ ഇലക്ട്രോണിക്സ്/ ഓട്ടോമൊബൈൽ എന്നീ വിഷയങ്ങളിൽ ഏതിലെങ്കിലും ത്രിവത്സര ഡിപ്ലോമ.
• അല്ലെങ്കിൽ ഓട്ടോ എലെക്ട്രിക്കൽ/ മോട്ടോർ വെഹിക്കിൾ/ എയർ കണ്ടിഷനിംഗ്/ ഡീസൽ മെക്കാനിക്/ ബെഞ്ച് ഫിറ്റർ/ വെൽഡർ എന്നീ വിഷയങ്ങളിൽ ഏതിലെങ്കിലും ത്രിവത്സര ഐടിഐയും എൻസിടിവിടിയും.
• എംഎംവി ഡ്രൈവിംഗ് ലൈസൻസും നിർബന്ധം.
• പ്രായം: ഉയർന്ന പ്രായപരിധി 28
• വാക് ഇൻ അഭിമുഖത്തിന്റെ തീയതി – ഒക്ടോബർ 5

തസ്തിക: യൂട്ടിലിറ്റി ഏജന്റ് കം റാംപ് ഡ്രൈവർ

• ഒഴിവുകൾ: 4
• ശമ്പളം: 21,270 രൂപ
• യോഗ്യത : പത്താം ക്ലാസ് വിജയം + എച്ച്എംവി ഡ്രൈവിംഗ് ലൈസൻസ്.
• പ്രായം: ഉയർന്ന പ്രായപരിധി 28
• വാക് ഇൻ അഭിമുഖത്തിന്റെ തീയതി – ഒക്ടോബർ 5

ഉയർന്ന പ്രായപരിധിയിൽ എല്ലാ തസ്തികകളിലും എസ്.സി, എസ്/ടി വിഭാഗക്കാർക്ക് അഞ്ച് വർഷത്തെയും ഒബിസി വിഭാഗക്കാർക്ക് മൂന്ന് വർഷത്തെയും ഇളവ് ലഭിക്കും.

അപേക്ഷ ഫീസ്:

• 500 രൂപയാണ് ഫീസ്.
• AI AIRPORT SERVICES LIMITED എന്ന പേരിൽ മുംബൈയിൽ മാറാവുന്ന ഡിമാൻഡ് ഡ്രാഫ്റ്റായി വേണം ഫീസ് അടയ്ക്കാൻ.
• എസ്.സി/ എസ്.ടി വിഭാഗക്കാർ, വിമുക്തഭടന്മാർ എന്നിവർക്ക് ഫീസ് ബാധകമല്ല.

അഭിമുഖ സ്ഥലം:

Sri Jagannath Auditorium, Near Vengoor Durga Devi Temple, Vengoor, Angamaly, Ernakulam, Kerala, Pin: 683572.

വിശദവിവരങ്ങൾക്കും അപേക്ഷ ഫോമിനും www.aiasl.in എന്ന വെബ്‌സൈറ്റ് സന്ദർശിക്കുക. പൂരിപ്പിച്ച അപേക്ഷ ഫോമും, ബന്ധപ്പെട്ട രേഖകളുടെ പകർപ്പുകളും സഹിതം വേണം അഭിമുഖത്തിന് എത്താൻ.